Orgen Tunggal, Rebana Apo Nasyidan, yo? (Surat Cinta II untuk Pedamaran Tercinta)

Bismillah…
Apo kabar mensanak galo-galo? Semoga kito sehat terus. Amin.

Alhamdulillah pacak nyapa lagi, untuk edisi ketigo tulisan dalam baso kebangsaan kito, baso Pedamaran.

Edisi tulisan kali ko muncol dari permintaan khusus urang kito tula, ndek ado di perantauan, tentang bakmano hukum orgen tunggal dalam kacomato Islam atau musik sejenisnyo ndek ado di dusun kito.

Tak tahu ngapo bak beliau tu nuliska secaro khusus namoku disitu untuk minta pendapat. Raso-rasonyo, selamoko beliau termasuk urang ndek lah rutin merika pendapat beliau dalam banyak hal di rumah PPPN kito. Tapi tak apolah, kareno lah di pintak dan mumpung masih hangat, kareno aku jugo baru be dari be-orgen tunggal-an

Oh yo sebelum masuk ke tema, izinka aku nak nyapa dulu mensanak sebelah menyebelah dari keluargo Besejar. Keluargo ndek balek kaliko aku pacak teliak langsung urang-urangnyo, sekretariatnyo, kolam ikannyo. Hehe.

Tak tahulah, dari singkatan namo be, Besejar (betunggal samo sejajar), aku lah bangun hati (istilah lain dari jatuh hati). Apolagi, sempat ngobrol, walau baru dikit, dengan sebagian petinggi-petingginyo J. Untuk bekkoari, kito layak merika apresiasi dengan komunitas iko. Bak uji perbaso kancoku kola dang ituni, sederhano dalam sikap, kayo dalam karyo. Lebih banyak persembahan ke masyarakat dalam bentuk nyato dari pado cuma debat kusir tak keroan adok. Lain itu, betunggal samo sejajar itu filosofi agamo kito ndek sangat agung. Semoga niat baik senantiaso tejago dari awal, tengah sampai akhir. Salam besejar

Payo kito masuk ke tema…

Agar pembahasan iko agak menyeluruh, kutuliska secaro umum tentang nyanyian. Tak tebatas cuma apo ndek ado dan bekembang didusun kito. Kareno banyak jugo jenis musik di kito tu. Ples jugo ado berapo tipe caro urang behiburan dalam acaranyo. Paling tidak ndek kudapatka, misal dalam acara resepsi pernikahan, mandi kaek dan sejenisnyo, ado ndek hiburan (nyanyian) nyo pakai nasyid, ado rebanaan, ado ndek beorgen. Orgen ko pulo, ado ndek makai biduan, ado jugo ndek tak ado. ado jugo ndek kombinasi dari beberapo jenis musik. Ndek orgen jugo ado nyaratka tak jadi musik dengan nada remik, ado jugo ndek teserah. Intinyo, banyak lah…

Masalah nyanyian, baik dengan musik (orgen tunggal/nasyid/band, dll) maupun tanpa alat musik (syair, akapela, dll), sejauh ndek la kubaco, temasok masalah ndek didebatka oleh para kiai (fuqaha, red) kaum muslimin dari dulu. Kiai-kiai itu sepakat di beberapo hal dan takdo sepakat di beberapo hal ndek lain.

Kiai-kiai itu sepakat haramnyo nyanyian ndek ado unsur kekejian, kefasikan, atau ngajak urang mbuak maksiat, kareno hakikatnyo nyanyian itu baik kalu dio ngandung kato-kato ndek jugo baik, dan jadi tak bagus kalu misal jugo berisi dengan kato-kato ndek tak bagus. Kiai-kiai itu jugo sepakat bolehnyo nyanyian ndek baik di acara-acara gembira, cak resepsi pernikahan, waktu nyambut datangnyo urang dari pegi jaoh, dan di hari-hari besak lainnyo. Tentang iko banyak hadits ndek sahih jugo jelas.

Nah, sebagian kiai tu, ado ndek ngomong tak jadi nyanyian ndek pakai alat musik tapi molehka kalu takdo makai musik. Ada pula ndek melarangnyo nian, mutlak, bahkan menganggapnyo haram (baik nyanyi itu bemusik atau takdo). Pun ado jugo ndek molehka, baik itu pakai alat musik atau takdo.

Dari siko, pribadi aku meliak, hukum nyanyian iko balek ke kaedah ‘asal dari segalo hal itu halal sampai ado dalil ndek mengharamkenyo.’ Kalu jugo ado dalil ndek mengharamka nyanyian, ado kalonyo dalil itu shoreh (jelas) tapi tak shoheh atau shoheh tapi tak shoreh. Tapi agar kito tak bedebat kusir (aku paling tak ser, apolagi men cuma sebatas ngomong taknaro tindak nyato), permasalahan iko adalah masalah khilafiyah (ndek didebatka) oleh kiai-kiai kito dari awal. Jadi jangan meraso paling benar, jangan saling salahka. Jangan sampai tekeluar kato-kato tak bagus (rofast), merendahka urang, apolagi sampai ngundang urang untuk bekato ndek tak bagus jugo. Tentang perkatoan tak bagus (rofast), dalilnyo shorih dan shahih, tak didebatka (bukan khilafiyah). Dalam masalah khilafiah, silahkan kito milui pendapat mano ndek nak kito milui.

Catatan akhir, bahwa dalam segalo sesuatu, temasuk hal-hal yang sifatnyo baek, kito dilarang belebihan. Temasuk jugo dalam hal hiburan iko. Hemat pribadi:

1. Sebiso mungkin ngindarka hal-hal ndek bemambu maksiat di lingkaran acara kito, temasuk misalnyo, bejudi malam-malam nunggu barang, nyago kawah, dll J.

2. Pribadi aku lebih senang misal kalu siapo nak orgenan itu takdo makai biduan, kareno hukum mayoritas, biduan ndek ado selamoko lebih banyak mudharatnyo. Kecuali men pacak ngaderka ndek bebeda (lebih bermoral) dengan ndek sudah ado. Aku laju tekenang dengan ucapan mat lebohku, jilbabi be, Kok men maseh tak jadi bebiduan. Hehe. (Sampaika dikit, tentang wanita dalam nyanyian, lagi lagi disitu ado khilaf, ado ndek molehka, ado ndek takdo, akupun lebih cenderung ke hukum asal kito diatas)

3. Temasuk hal ndek tak belebihan menurutku (kalu beda dengan aku, lagi-lagi silahkan), acara hiburan musik ko cukup disiang hari, tanpa malamnyo. J

4. Jangan dilupoka jugo bahwa menata niat sebaik-baiknyo dalam lingkup acara kito mulai dari awal sampai akhir, ples bahwa ndek perlu kito sadari dan yakini, acara kito di dusun tu, pacak telaksano salah satunyo kareno adat kito masih bagus dalam tolong menolong, urang peleboan, mensanak sebelah menyebelah, mulai dari awal acara sampai sudah. Aspek sosial iko jangan dilupoka agar jangan sampai meniadakan sedikit kegembiraan mereka untuk sedikit ‘beladas’ di hari bahagia kito. Asak tak belebihan. Bakmano, akor?

Wallahu A’lam….
Cakok Wen.